Socio local ADRA - Acção para o Desenvolvimento
Rural e Ambiente
Financiador AECID
Custe total 340.297,00 €
Subvención 336.797,00 €
Duración Novembro 2008 a agosto 2010
O proxecto pretende apoiar o proceso de fortalecemento dos municipios de Bailaundo e Caála, prestando asistencia técnica a ambas administracións co fin de elaborar un perfil socioeconómico da zona, implantar plans de desenvolvemento local, apoiar o funcionamento dos centros de documentación e información municipal.
Ademais, capacitarase aos técnicos/as de ambas administracións municipais sobre o diagnóstico da realidade social e económica, a elaboración e xestión de proxectos, a xestión financeira, o orzamento participativo e o desenvolvemento comunitario.
Para o fortalecemento das organizacións locais da sociedade civil e das institucións do poder tradicional, formouse sobre asociacionismo, interpretación do Decreto lei 2/07 e demais lexislación sobre descentralización e educación cívica ademais de impartirse talleres sobre o papel das autoridades tradicionais na promoción do desenvolvemento local. Igualmente, realizáronse encontros de concertación entre organizacións locais da sociedade civil e dous intercambios de experiencias.
O proxecto beneficiará a 278 persoas, cadros responsables dos municipios, responsables das organizacións locais da sociedade civil e autoridades tradicionais, contribuíndo ao proceso de desconcentración iniciado recentemente en Angola.
