Financiador: Axencia Española de Cooperación Internacional ao Desenvolvemento
Contía total do proxecto: 209.170,00 €
Subvención: 167.239,00 €
Duración O proxecto foi aprobado en 2010 e a súa execución empezará en 2011.
O Cambio Climático faise sentir especialmente nos países máis pobres e afecta o impacto da cooperación internacional para os Obxectivos de Desenvolvemento do Milenio. O Cambio Climático, por exemplo, reducirá a dispoñibilidade de auga e intensificará os fenómenos extremos (furacáns, secas), diminuíndo a produtividade agrícola en grandes rexións de África e América Latina e aumentando a incidencia de enfermidades como a malaria. Haberá unha deterioración de moitos ecosistemas e un empeoramento das condicións de vida das mulleres dos países pobres, especialmente vulnerables por motivos socio-económicos. A relación entre Cambio Climático e desenvolvemento dos países pobres non é tomada suficientemente en conta polos actores da Cooperación Descentralizada, nin é un asunto do cal a sociedade teña suficiente conciencia. O presente proxecto pretende implicar a Administración Pública Local e Autonómica española na mitigación das consecuencias do Cambio Climático no desenvolvemento dos países pobres e no logro dos ODM. A Administración Pública, como actor fundamental da Cooperación Descentralizada, pode contribuír a evitar reveses no desenvolvemento dos países máis pobres, incluíndo nas súas estratexias 2 eixos principais: a mitigación do Cambio Climático, fomentando nos países pobres un desenvolvemento limpo e a captación dos Gases de Efecto Invernadoiro, e a adaptación ás súas consecuencias, mellorando a capacidade dos países en desenvolvemento para facer fronte aos efectos do Cambio Climático. A sociedade, debidamente sensibilizada, pode contribuír a reducir o impacto do Cambio Climático, fortalecendo o apoio social ás estratexias de loita contra o Cambio Climático e adoptando hábitos que contribúan a reducir os Gases de Efecto Invernadoiro na atmosfera. O grupo meta definido son, polo seu potencial multiplicador e de incidencia, os políticos, funcionarios e técnicos da administración local e autonómica. Actuarase segundo 3 eixos: o 1º, de sensibilización e información da sociedade, prevé eventos públicos (unha exposición fotográfica interactiva acompañada por seminarios) e unha campaña de comunicación. O 2º, de investigación e formación, promoverá o coñecemento conceptual, procedimental e actitudinal, proporcionando información multimedia de calidade, que será distribuída entre o grupo meta e servirá de suporte pedagóxico para un programa de formacións. O 3º eixo, a través dunha páxina nas principais redes sociais, promoverá o inicio dun proceso de mobilización, implicando o Grupo de Funcionarios e Técnicos da administración local para a ED (creado por MUSOL en 2010). Todas as actividades realizaranse en 6 Comunidades Autónomas: Madrid, P. Vasco, Castela e León, Castela A Mancha, Cataluña, Andalucía, co apoio do Colexio de Secretarios, Interventores e Tesoureiros da Administración Local.